Umabot sa 1,091 ang naitalang aksidente sa kaso ng road crash injuries sa 161 ospital sa buong bansa sa ilalim ng Code White alert.
Mas mataas ito ng halos 150% kumpara sa parehong panahon noong nakaraang taon, bagama’t bahagi nito ay dahil sa mas maayos na reporting ng mga ospital.
Pinakamaraming kaso ang naitala sa Central Luzon na may 196, sinundan ng Davao Region na may 161, at Ilocos Region na may 159.
Binigyang-diin ng DOH na ang mga datos na ito ay paalala sa publiko na maging maingat sa paglalakbay, gumamit ng tamang safety gear, at iwasan ang delikadong pag-uugali sa kalsada.
