Nananatili umanong committed ang Department of Tourism (DOT) na gawing tourism ambassadors ng bansa ang P-pop girl group na BINI.
Sa isang panayam, sinabi ni Tourism Secretary Bernardita Angara-Mathay na inaasahan pa ring magiging ambassadors ang naturang grupo kaya pinagtutuunan nila ng pansin ang nagpagpatuloy na negosasyon sa kanila.
Mababatid na kamakailan ay ipinamalas ng grupo ang galing ng mga Pilipino sa international stage sa Coachella Valley Music and Arts Festival.
Dahil dito, lalo pang dumami ang nagmahal, at naging tagahanga ng BINI mula sa iba't ibang panig ng mundo.
Naniniwala ang tourism department na makatutulong ang global appeal ng BINI sa pagpapalakas ng turismo sa Pilipinas, at pagpapakilala ng angking ganda ng bansa sa mga local at international travelers.
Nakaraang buwan nang unang sabihin ng DOT na kinokonsidera nilang gawing tourism ambassadors ang mga girl group.
