Hindi pa rin matatapos ang pag-'aray' ng mga motorista dahil tuloy-tuloy ang pagdadag ng malaking halaga sa presyo ng mga produktong petrolyo bunsod ng gulo sa Middle East.
Para sa panibagong big time oil price hike sa susunod na linggo, inaasahang P16 hanggang P18 ang madaragdag sa kada-litro ng diesel.
Dahil dito, maaaring umabot na sa P113 hanggang P128 ang kada litro nito.
Posible ring umabot ng hanggang P11 ang increase sa kada-litro ng gasolina; habang P15 hanggang P18 naman sa kada-litro ng kerosene.
Sa kabila ng pagsirit ng presyo ng naturang mga produkto, tiniyak naman ng Department of Energy (DOE) sa publiko na may sapat na suplay ng krudo sa bansa.
Nagpaalala rin ito sa mga motoristo na iwasan ang pagho-hoard.
