Wala pay pinal nga desisyon ang Department of Public Works and Highways Northern Mindanao kung himuon ba ang ‘total reconstruction’ sa Ysalina o Carmen Bridge sa syudad sa Cagayan de Oro.
Kini human nagtagbo baguhay lang ang DPWH 10, si CDO 2nd District Congressman Rufus Rodriguez, CDO 1st District Congressman Lordan Suan, mga representante sa National and Local Heritage Advocates ug representante sa local government unit sa Cagayan de Oro alang sa plano sa pagtrabaho sa maong tulay aron magpabilin kining luwas nga magamit sa katawhan.
Gibutyag ni DPWH 10 Spokeperson Novie Cabrido nga atol sa panagpulong, gipang konsiderar sa ahensya ang tanan nga technicalities ug ang baruganan sa matag bahin ilabina ang historical significance sa 78-year old nga tulay.
Hinuon matud ni Cabrido nga na-uyunan sa tanan nga unahon una ang paghimo og pedestrian ug bike lane sa portion sa may opisina sa COA adiser paman gubaon ang maong tulay.
