Hinimok ng Department of Public Works and Highways (DPWH) ang publiko, lalo na ang mga netizens, na magsilbing mata at tenga ng DPWH upang matunton ang mga hindi tapos at substandard na mga proyekto.
Ito ay kasunod ng mga hinaing sa mabagal na aksyon ng mga local officials sa mga kalsada at pagsasaayos ng mga imprastraktura.
Ayon kay DPWH Secretary Vince Dizon, saklaw ng panawagan nilang ito ang mga areas na nangangailangan ng agarang pagtugon gaya ng mga sirang kalsada at infrastructure na lubhang nakaaapekto sa buhay ng mga residente.
Ani Dizon, imposibleng magawa niyang ma-monitror ang lahat, kaya napakahalaga ng pakikiisa ng publiko.
Maaari umanong i-tag at magpadala ng mensahe sa social media account ng DPWH.
Sa huli, sinabi ng kalihim na makasisiguro naman ang lahat ng mabilis na aksyon sa mga reklamo at impormasyong manggagaling sa publiko.
