Muling bibisita si Department of Public Works and Highways Secretary Vince Dizon sa Naga City sa Hunyo 20.
Kabilang sa mga ilalapit ni Mayor Leni Robredo ang bakbak na kalsada sa ilang parte ng sentro ng lungsod. Aniya, kaya ng Naga na makapagpaayos nito subalit mahaba ang kalsada kung kaya mabigat ang gastos. Nais sana nila na hindi patsi-patsi. Muli ring ipepetisyon na tulungan ang LGU na makiusap sa Department of Transportation na masikaso na pagbabalik ng biyahe ng tren biyaheng Manila- Naga.
Aniya ang hindi magandang transportasyon ay hindi nakakaakit ng investors sa lungsod na naproklama ng Pangulo na Highly Urbanized. Ang pagbabalik ng biyahe ng tren ay malaking kagaanan din sa mga pasahero na luluwas ng Maynila o pabalik ng Bicol.
