Pumalag si physician at public health advocate Dr. Anthony “Tony” Leachon sa pagsuspinde sa kanya ng Philippine College of Physicians (PCP) nang anim na buwan.
Ito ay kaugnay ng umano'y paninirang-puri sa mga kapwa niya health professionals, at paglabag sa ethical standards.
Kasabay nito, nanindigan si Leachon na mananatili siyang committed sa nagpapatuloy na court proceedings kaugnay ang isyu ng Dengvaxia.
Aniya, halos isang dekada na ang nakalilipas, at ganito na rin katagal ang dinadalang pasanin ng mga pamilyang namatayan ng anak dahil sa nasabing bakuna.
Ani Leachon, dapat mabigyan ng pagkakatong madinig ang hinaing ng mga ito.
Nararapat din daw na mabigyan sila ng sagot, at ng judicial process na dapat umusad nang walang delay.
Samantala, nagpahayag din siya ng pagkabahala sa mga hakbang na naglalayon umanong pahinain ang kanyang kredibilidad.
Hindi umano siya sumasang-ayon sa aksyon ng PCP laban sa kanya, kaya pinag-aaralan na nila ang maaaring maging remedyo rito.
