Inanunsyo ng Department of Social Welfare and Development (DSWD) na naka-high alert na ang disaster response unit nito.
Ito ay bilang paghahanda sa inaasahang pananalasa ng super typhoon 'Bavi' o ang inaasahang Bagyong Inday.
Ayon kay Asst. Secretary Irene Dumlao ng DSWD Disaster Response Management Group (DRMG), sinuri na ng mga opisyal ng ahenya ang strategic deployment ng mga relief resources upang masigurado ang mabilis na pagmamahagi nito sa mga Local Government Units (LGU) na maaapektuhan ng bagyo.
Sinabi pa ng DSWD na hindi raw sila maghihintay na dumating muna ang bagyo bago pa umaksyon.
Pinaalalahanan din ni Dumlao ang mga residente sa mga mabababang lugar at flood prone areas na sumunod sa mga abisong pangkaligtasan ng kanilang provincial at municipal dissaster offices.
Samantala, sa datos ng Disaster Response Operations Monitoring, Information, and Communication (DROMIC), as of July 6, higit 4.77M na na mga family food packs (FFPs) ang naka-preposition, kabilang ang higit 360,000 na mga kahon ng ready-to-eat food (RTEF).
