Nagbabala si Commission on Higher Education (CHED) Chairperson Shirley Agrupis na bumaba na sa 'lowest point' ang edukasyon sa bansa.
Sa isa niyang speech, sinabi ni Agrupis na nakausap niya ang mga legislators, at dito nabanggit na nasa 'very fortunate' o 'unfortunate' season sila ng administrasyon ni Pangulong Bongbong Marcos, kung saan tila lugmok ang edukasyon sa Pilipinas.
Ayon sa kanya, sumasalamin umano ito sa klase ng pamumuno.
Dahil umano sa mahinang leadership, nagkakaroon ng hamon sa mga higher education institutions gaya pagdami ng enrollees sa ibang program, at kakulangan naman ng enrollees sa iba, o yung tinatawag na "mass rooming".
Maliban diyan, naririyan pa rin daw ang mismatch sa pagitan ng academic training at job requirements, at tumataas din ang bilang ng unemployed na college graduates.
Upang matugunan ang naturang mga suliranin, mababatid na nilagdaan ng CHED kahapon ang kasunduan kasama ang Development Academy of the Philippines (DAP) para sa pagpapatupad ng leadership development program para sa mga academic leaders.
