Posibleng umabot sa "historic strength" o pinakamalakas sa kasaysayan ang umiiral na El Niño ngayon sa bansa.
Ayon sa United States weather agency na National Oceanic and Atmospheric Administration (NOAA), mataas ang posibilidad na lalo pang lumakas ang epekto ng phenomenon hanggang sa pagtatapos ng taon.
Kapag nangyari ito, maaari nitong mapalala ang tagtuyot, pagbaha, at matinding init ng panahon sa iba't ibang bahagi ng mundo, kabilang ang Pilipinas.
Sa pinakahuling abiso ng NOAA, umabot na sa 63% ang posibilidad na maranasan ang "Very Strong El Niño" sa pagitan ng Nobyembre at Enero at posible itong maging isa sa pinakamalalakas na El Niño na naitala sa kasaysayan simula noong 1950.
Nauna nang sinabi ng PAGASA na maaaring maranasan ang “very strong” El Niño pagsapit ng huling quarter ng 2026.
Iibig sabihin mas matagal na tagtuyot, mas kakaunting pag-ulan at posibleng mainit na Amihan season ang mararanasan.
