Nagmistulang eksena sa pelikula ang ginawa ng isang empleyado matapos mahulog sa upuan habang natutulog sa opisina at magpanggap na nahimatay para hindi mapahiya.
Sa isang viral post, ikinuwento ng empleyado na nakatulog siya sa pantry area noong lunch break.
Ayon sa employer, napuyat ito sa panonood ng mga videos online, kaya't hindi niya namalayan na nakatulog at biglang nahulog mula sa upuan.
Para takpan ang kahihiyan, nagpanggap siyang nawalan ng malay at nanatiling nakahiga habang nagpa-panic ang mga katrabaho.
Nagpatawag pa daw ng nurse ang kumpanya at binigyan ng tubig.
Sa huli, sinabi niyang hindi pa siya kumakain para makalusot sa sitwasyon.
Umani naman ito ng mga nakakatawang reaksyon online, kung saan tinawag siyang “Oscar-worthy” sa pagiging quick thinker at sa husay magpanggap.
