Patuloy na bumababa ang bilang ng mga ipinapanganak sa Japan.
Ito'y matapos maitala ang mahigit 670,000 lamang na sanggol noong 2025, ang pinakamababang bilang mula nang magsimulang magtala ng datos ang bansa noong 1899.
Batay sa opisyal na datos ng gobyerno, bumaba rin sa 1.14 ang fertility rate ng Japan o ang karaniwang bilang ng anak na inaasahang isisilang ng isang babae.
Ito na ang ika-10 sunod na taon ng pagbaba ng fertility rate sa bansa, na nagpapalala sa suliranin ng tumatandang populasyon at kakulangan sa lakas-paggawa.
Dahil dito, patuloy na naghahanap ang pamahalaan ng mga paraan upang mahikayat ang mga Hapon na makapag-asawa at magkaroon ng anak sa gitna ng patuloy na pagbaba ng populasyon ng bansa.
