Ginulat ni F4 member Vanness Wu ang mundo ng social media nang ianunsyo ang muli nitong pagpapakasal sa hindi pa pinapangalanang babae.
Sa isang Instagram post, ibinida ng aktor ang larawan ng kamay nila ng kanyang asawa habang suot ang white and gold wedding ring.
May caption ito na "2026 has been filled with so many blessings, being able to tour again with the boys, being able to do what I love on stage and perform for you all… and now being blessed with the most important person in my life.”
Ipinahayag din ng aktor ang kanyang taos-pusong pasasalamat sa mga fans na walang-sawang sumusuporta, at sa naging pagtanggap sa kanila ng kanyang asawa.
Kung maaalala, unang ikinasal si Vanness sa kanyang long-term partner na si Arissa Cheo, at nagsama sila bilang married couple mula 2013 hanggang magwakas taong 2018.
Samantala, ipinabatid din ng aktor ang kanyang pasasalamat sa naging tagumpay ng one-night only reunion event sa kanilang ‘F-Forever First World Tour’ na ginanap sa Philippine Arena sa Bulacan, nitong Sabado, June 27.
