Pormal nang isinagibo an groundbreaking ceremony para sa Phase 1 kan bagong Oas Public Market.
Ini an pinondohan nin nasa P40M kan lokal na gobyerno nasambit na banwaan.
Piglalaoman su boot na magkakaigwa ini nin modernong disenyo na kaparehas sa mga merkado kan Metro Manila nganing mas magayon an maitao na serbisyo sa mga parabakal.
Huli kaini, piglalaoman na magkakaigwa man nin mas dakol na oportunidad sa trabaho para sa mga Oasnon.
Mientras tanto, apwera pa digdi, nag-alokar man an gobyerno probinsyal kan Albay nin pondo para sa pagbubugtak nin mga solar street lights sa kasentruhan kan banwaan para sa seguridad kan mga residente.
Photo: Noel Rosal
