Bago ang pagsisimula ng Balikatan military exercises ngayong Abril, nagsagawa ng kilos-protesta ang grupong Bagong Alyansang Makabayan at mga kaalyadong organisasyon nito malapit sa US embassy upang kundenahin ang lalong paglakas ng presensya militar ng US sa bansa.
Ayon kay Bayan Secretary General Mong Palatino, hindi lamang Balikatan ang isinasagawang pagsasanay militar ng Pilipinas at US.
Kasalukuyang ginaganap ang Salaknib n, Cope Thunder para sa Air Force, at Marex.
Nakatakda ring magsagawa ng naval exercises sa Batanes.
Giit ng grupo, ang mga pagsasanay na ito ay magastos, nakakabahala at nakakapagpalala ng tensyon sa rehiyon, lalo pa’t gumagamit ito ng live fire missiles.
Noong Balikatan 2023, ginamit ang Typhon missile system na hanggang ngayon ay nananatili sa bansa.
Sinabi pa ni Palatino, ang kilos-protesta ngayong Araw ng Kagitingan ay paalala na kailangang matuto sa kasaysayan at manindigan laban sa anumang uri ng dayuhang panghihimasok sa bansa.
