Aabot sa 979 na mga magsasaka sa Camalig, Albay ang tumanggap ng hybrid rice seeds mula sa Municipal Agriculture Office bilang suporta sa pagpapataas ng ani at pagpapatatag ng seguridad sa pagkain.
Ang pamamahagi ay isinagawa kahapon, Hunyo 26, sa limang hybrid cluster irrigated areas bilang bahagi ng programa ng lokal na pamahalaan upang mapalakas ang produksyon ng palay.
Ipinamahagi ang mga binhi sa mga miyembro ng Baligang Integrated Farmers Association, Ilawod Camalig Farmers Irrigators Association, Libod Bascaran Farmers Association, Tumpa Farmers Association at Quinuartilan Camalig Farmers Irrigators Association.
Ayon sa tanggapan, layunin ng programa na mapabuti ang kabuhayan ng mga magsasaka at maisulong ang mas produktibo at napapanatiling agrikultura sa bayan.
Photo: Camalig PIO
