Aabot sa 4.85 milyong video mula sa Pilipinas ang tinanggal ng TikTok sa huling bahagi ng 2024 dahil sa paglabag sa kanilang community guidelines.
Karamihan sa mga ito ay may kinalaman sa “sensitive content” o “mature themes”, pati na rin sa ilegal o regulated goods at commercial activities.
Ayon sa TikTok, 99.6% ng mga naturang video ay agad nilang tinanggal kahit walang ulat sa kanilang account.
Samantala, nagpatupad din sila ng mahigpit na aksyon laban sa misinformation, kung saan 98% ay naalis din agad.
Kasabay nito, inilunsad ng platform ang #ThinkTwice campaign para palakasin ang digital literacy at responsableng paggamit ng social media.
