Sinalubong ng Philippine National Police (PNP) ang pagsisimula ng taong 2026 sa sunod-sunod na operasyon laban sa iligal na droga na nagresulta sa pagkakasabat ng humigit-kumulang ₱8.8 milyong halaga ng ipinagbabawal na gamot.
Ayon sa PNP, isinagawa ang mga operasyon mula alas-diyes ng gabi ng January 1 hanggang alas-nuwebe ng umaga ng January 2, 2026.
Sa Kalinga, matagumpay na winasak ng mga awtoridad ang tinatayang 7,000 fully grown marijuana plants na nagkakahalaga ng ₱1.4 milyon sa isang malawakang marijuana eradication operation.
Samantala, sa Cebu City, isang High-Value Individual ang naaresto matapos ang isang joint buy-bust operation kung saan nasamsam ang 1,030 grams ng shabu na nagkakahalaga ng ₱7.4 milyon.
