Kinilala ng Police Regional Office 5 (PRO5) ang ilang tauhan sa kanilang huwarang paglilingkod at mabuting gawa sa pagdiriwang ng 31st PNP Ethics Day at kabilang dito ang OIC ng Juban MPS na si PCapt Jerson Recuenco.
Si Capt Recuenco ay tumanggap ng Medalya ng Ugnayang Pampulisya para sa kaniyang napakahalagang serbisyo sa paglalagay ng mga solar street lights bilang bahagi ng ‘’A Gift of LOTERINA’’ o Leading the way in making Opportunities for a brighter Tomorrow through Empowering communities by Restoring Peace and Order in pursuit of Nation-Building project sa Brgy Dita, Gubat, Sorsogon.
Sa awarding rites na ginanap sa Camp Gen Simeon Ola, binigyan-diin ni PRO5 Director BrigGen Andre Dizon ang kahalagaan ng etikal na pag-uugali at integridad sa loob ng hanay ng Pulisya.
Ito umano ay nagsisilbing moral compass para sa lahat ng tauhan ng PNP, na gumagabay sa kanilang mga aksyon at desisyon upang matiyak na nakakamit nila ang pinakamataas na pamantayan ng propesyonalismo at integridad.
Sinabi pa ni Dizon na sa pamamagitan ng pagsunod sa mga prinsipyong ito, ang PNP ay patuloy na nagtatatag ng tiwala ng publiko at nagbibigay ng epektibo, marangal na serbisyo sa mga komunidad sa buong bansa.
Ang tema ngayong taon ay “Serbisyong may Integridad at Pananagutan, Tungo sa Ligtas at Mapayapang Pilipinas.” #MALOHA HATOC
