Mahigpit na binabantayan ng Philippine Coast Guard (PCG) ang mga pasahero sa mga pantalan sa buong bansa kasabay ng pagbubukas ng klase bukas, Hunyo 8.
Batay sa Oplan Biyaheng Ayos: Balik Eskwela 2026 monitoring ng PCG, umabot na sa mahigit 35,000 ang naitalang bumiyahe sa iba't ibang pantalan.
Kabilang dito ang 18,464 na outbound passengers at 16,827 na inbound passengers.
Mayroon ding 5,242 na tauhan ang Coast Guard na ipinakalat sa 15 PCG Districts kung saan 1,026 na barko at 64 na motorbanca ang isinailalim sa inspeksyon.
Ayon sa PCG, bahagi ito ng kanilang paghahanda para sa inaasahang pagdagsa ng mga biyahero ngayong balik-eskwela.
