Magdaragdag ang Department of Education (DepEd) ng mahigit 55,000 bagong posisyon sa ilalim ng 2026 national budget upang mapalakas ang pagtuturo at mapabuti ang operasyon ng mga pampublikong paaralan sa buong bansa.
Ayon kay Education Secretary Sonny Angara, kabilang sa mga bubuksang posisyon ay ang 32,950 bagong teaching positions, 11,628 Administrative Officer II, 6,000 School Principal I, at 5,000 Project Development Officer I.
Giit niya, sa pagpapalakas na ito ay mas maraming guro at school personnel ang magbibigay ng mas maayos na suporta sa mga paaralan at mas dekalidad na serbisyong pang-edukasyon para sa mga mag-aaral.
Samantala, halos kumpleto na ng DepEd ang pagpuno sa mga posisyong inilaan noong 2025.
Sa target na 20,000 guro, 19,320 na ang na-hire, habang 9,937 naman sa target na 10,000 Administrative Officer II ang nakapasok na sa serbisyo.
