Lalo pang pinalakas ng Office of the Ombudsman (OMB) ang imbestigasyon sa umano'y iregularidad kaugnay ang flood control projects sa 2026.
Sa kanyang video message sa Southeast Asian Ombudsman Forum (SEAOF), kung saan Pilipinas ang tumatayong host, sinabi ni Ombudsman Jesus Crispin Remulla na sumasailalim na sa fact-finding investigation ang 209 complaints, at ang apat na kaso ay naihain na sa korte.
Ayon kay Remulla, sa kabila ng numerong ito ay ang mas malalim na responibilidad.
Ito aniya ay ang pagpapatatag ng tiwala ng publiko, at pagpapakita na kayang tumugon ng accountability institutions nang may independence, pagiging patas, at propesyonalismo.
Kasabay nito, idiniin ng Ombudsman na ang kanilang trabaho ay nangangailangan ng mga regional platforms gaya ng SEAOF.
