Napa-wow na lang daw si Senadora Risa Hontiveros nang mapansin nila kahapon ng Solid Bloc-11 na pinatayan sila ng aircon habang sila ay nasa Senate lounge pa.
Maalala, matapos ang naging boluntaryong pagsuko ni Senador Jinggoy Estrada sa awtoridad para sa kasong plunder ay wala ng nakita pang majority senators sa plenary hall, rason kung bakit matagal naghintay rito ang minority bloc at hindi natuloy ang nakatakdang sanang sesyon.
Hindi naman naiwasan pang tawagin ni Hontiveros na 'style bulok' ang ginawang pagpatay ng aircon at wifi sa kanila.
Kwento naman niya, muntik pa nilang tawagin ang maintenance noong araw na iyon para alamin kung ano ang nangyari.
Samantala, sa loob ng isang dekada ng pagiging senador ni Hontiveros, first time niya raw naranasan ito dahil kadalasan ang reklamo pa niya sa Senate lounge nila ay malamig dito.
#
