'Very hopeful' si Senadora Risa Hontiveros na maipapasa nila ang Anti-Political Dynasty Bill bago pumasok ang 2028 national election.
Ayon kay Hontiveros, wala siyang nakikitang dahilan para hindi ito makalusot lalo pa't aprubado na sa huli at ikatlong pagbasa ng Kamara ang House Bill No. 8389 o proposed Anti-Political Dynasty Act na naglalayong ipagbawal ang second degree of consaguinity at affinity sa mga tatakbo sa elective post sa loob ng parehong political jurisdiction.
Sa Senado, binanggit naman ng senadora na nasa limang senador na lang ang nakalinya para sa interpelasyon ng panukala tungkol dito.
Samantala, umaasa rin si Hontiveros na makakasama nila sa pagsulong nito ang magkapatid na Villar bagamat hindi sila author ng mga panukalang inihain sa Senado.
Maalala, maliban kay Hontiveros, ang ilan pang senador na naghain ng kani-kanilang bersyon ng Anti-Political Dynasty Bill ay sina Senador Robin Padilla, Senadora Loren Legarda, Senador JV Ejercito, Senador Bam Aquino, Senador Kiko Pangilinan at Senador Ping Lacson.
