Dinepensahan ng ilang mambabatas ang paghawak ng Kamara sa impeachment case laban kay Vice President Sara Duterte, at iginiit na sumusunod ito sa kautusan ng Korte Suprema tungkol sa due process.
Ayon kay Lanao del Sur Rep. Zia Alonto Adiong, ang mga pagdinig ng Justice Committee ay alinsunod sa desisyon ni Associate Justice Marvic Leonen na nag-aatas ng preliminary inquiry bago dalhin sa plenaryo ang kaso.
Samantala, iginiit naman Bukidnon Rep. Jonathan Keith Flores na ang hindi pagdalo ni Duterte sa pagdinig ay maaring ituring na pagsuko sa pagkakataong maipagtanggol ang kaniyang sarili.
Dagdag pa niya na ang mga subpoena ay inilalabas lamang sa mga taong mahalaga para linawin ang mga isyu sa reklamo, kabilang ang abogado ni Duterte na si Michael Poa at ilang opisyal ng Commission on Audit.
