Nagulat na lang ang mga staff ng isang veterinary clinic sa South Cotabato nang may biglang isang Husky na bumisita sa kanila.
Makikita sa CCTV ng clinic ang pagtulak sa pinto ng aso para makapasok sa clinic at nagawa pa nitong tumahol ng makapasok sa loob na para bang pinapaalam na mayroon silang customer.
Bagamat namangha ang mga staff ng clinic nag-alala rin sila sa aso dahil malayo ang nilakad nito para makarating sa clinic kaya agad nila itong binigyan ng maiinom.
Ayon sa beterinaryo ng clinic, regular na nilang customer ang aso dahil madalas itong dinadala ng kanyang fur parents para magpa-groom at magpa-check up.
Dahilan kaya tila nakabisado na ng husky ang daan patungo sa clinic.
Ito na raw ang pangalawang pagkakataon na nagsariling lakad ang aso patungo sa kanilang clinic.
