Simula bukas, magiging epektibo na ang panibagong round ng umento sa presyo ng mga produktong petrolyo.
Sa diesel, mayroon na namang itataas na P1.40 sa kada litro.
Mayroon ding madaragdag na P0.40 sa kada litro ng gasolina; habang P0.80 naman ang dagdag sa kada litro ng kerosene.
Ito na ang ika-limang linggong sunod na umento sa diesel at kerosenel; habang ikatlong linggo naman sa gasolina.
Nakaraang linggo lang nang magtaas din ng P2.00 sa kada litro ng diesel.
Una nang sinabi ng Department of Energy-Oil Industry Management Bureau (DOE-OIMB) na ilan sa tinitingnang dahilan ng umento ngayong linggo ay bunsod Greenland issue, at mataas na demand sa China kasunod ng inaasahang mataas na GDP ng kanilang bansa.
#
