Iminungkahi ng ad hoc Senate committee ang ilang hakbang upang maibsan ang epekto ng mataas na presyo ng langis sa Pilipinas dahil sa tensiyon sa Middle East.
Kabilang dito ang fuel rationing, price caps, at P1,500 buwanang tulong para sa mga minimum wage earners.
Ayon kay Sen. Sherwin Gatchalian, layunin ng mga hakbang na mapanatili ang suplay ng gasolina at diesel at maiwasan ang hoarding.
Maaaring ipatupad ang fuel rationing hanggang maging mas matatag ang suplay ng langis sa bansa.
Hinihikayat din ng komite ang pamahalaan na dagdagan ng P1,500 ang cash grant sa mga benepisyaryo ng 4Ps at ipagpatuloy ang diskwento sa MRT 3 at LRT 2.
Sa kasalukuyan, tumaas na sa P140 kada litro ang diesel at P95–P105 kada litro ang gasolina, na nagdulot ng pangamba sa publiko at panawagan para sa agarang aksyon mula sa pamahalaan.
