Nilinaw ng Department of Justice (DOJ) na hiwalay ang proseso ng impeachment at ang pag-usad ng mga kasong kriminal ni Vice President Sara Duterte, sa gitna ng mga tanong kung may kaugnayan ang mga ito sa isa’t isa.
Ayon kay Justice Sec. Frederick Vida, bagama’t may pagkakatulad ang ilang isyung sinusuri sa Articles of Impeachment at sa mga reklamong nasa DOJ, magkaiba ang layunin at daloy ng dalawang proseso.
Ipinaliwanag ng kalihim na ang impeachment ay isang hiwalay na mekanismo na dinidinig ng impeachment court upang alamin kung may sapat na basehan para panagutin ang isang impeachable officer, habang ang DOJ naman ay nakatuon sa pagtukoy ng pananagutang kriminal alinsunod sa umiiral na batas.
Binigyang-diin pa ni Vida na ang pag-aaral ng panel of prosecutors ng DOJ sa mga kasong isinampa laban sa bise presidente ay may sarili at independent na proseso.
Hindi umanot ito nakadepende sa takbo ng impeachment proceedings.
Sa ngayon, nananatiling pending ang mga naturang reklamo.
Pero pagtitiyak ni Sec Vida na ipaaalam nila agad sa publiko sa sandaling magkaroon ng malinaw na desisyon ang kanilang tanggapan
