Posibleng umabot ng pito hanggang walong buwan ang impeachment trial ni Vice President Sara Duterte, ayon kay Senate President Sherwin Gatchalian.
Ayon sa senador, kung magsisimula ang paglilitis sa Hulyo, posibleng matapos lamang ito pagsapit ng Pebrero ng susunod na taon.
Batay aniya ito sa pre-trial briefs ng house prosecution panel at ng defense team ng Bise Presidente at sa kakayahan ng Senado na magsagawa ng tatlong araw na paglilitis kada linggo.
Sinabi rin ni Gatchalian na pinag-aaralan ng kapulungan ang mga paraan upang mapabilis ang impeachment trial nang hindi naaantala ang iba nitong tungkulin.
Ipinaliwanag niya na bukod sa pagdinig ng impeachment case, kailangan ding maglaan ng panahon ang Senado para sa mga plenary session kung saan tinatalakay at ipinapasa ang iba pang mahahalagang panukalang batas.
