Sinibak sa pwesto ni PNP Chief PGen. Nicolas Torre III ang isang hepe ng pulisya sa lalawigan ng Rizal.
Sinabi ni Gen. Torre na nag-ugat ito dahil sa 'diskarteng tamad' ng kanyang mga tauhan.
Paliwanag ni Torre, napakasimple lang ng sitwasyon, nito umanong weekend, may isang negosyante ang ninakawan ng P600,000 ng 2 niyang tauhan at nag-report ito sa police station.
Ang tanging ginawa lang umano ng police ay binigyan ng “blotter extract” ang complainant at pinauwi na.
Umabot kay Torre ang insidente at nakulangan siya sa aksyon kaya pinakilos nya ang Rizal Provincial Police Office.
Tinawagan ng Rizal Police ang Negros Police na address ng isa sa mga suspek at dito nila naaresto ang suspek na hawak pa ang P500,000.
Babala ni Torre sa mga pulis lalo sa mga commander, hindi sya mangingiming magsibak sa pwesto dahil marami ang mga nakapila para sa posisyon.
