Na-impound na ng Land Transportation Office (LTO) ang jeep na nakuhanan ng video habang nagsu-swerving at umano'y nakikipagkarera sa Marcos Highway.
Ayon sa LTO, delikado ang ginawa ng drayber dahil maaari itong magdulot ng aksidente at ikapahamak ng mga pasahero at iba pang motorista.
Naglabas na ng show cause order ang tanggpan sa drayber at inatasan itong sumailalim sa mandatory drug test at road safety seminar, habang nakatakda ang pagdinig sa Hulyo 14.
Samantala, sinuspinde na rin ng Land Transportation Franchising and Regulatory Board (LTFRB) ang operator ng naturang jeep habang nagpapatuloy ang imbestigasyon.
