Nagsalita na ang aktres na si Andrea Brillantes tungkol sa estado ng relasyon nila ng basketbolitang si Sam Fernandez.
Sabi ni Andrea, hindi pa sila magkasintahan ni Sam at kasalukuyan pa lang nilang kinikilala ang isa't isa.
Taliwas ito sa mga espekulasyon makaraang maispatan ang dalawa na magkasama sa ilang private event.
Ayon kay Andrea, sinabi na niya noon na open siyang makipag-date kasi magda-dalawang taon naman na siyang single.
Kuwento pa ni Andrea, matagal na silang magkakilala ni Sam bago pa ito magparamdam at magsabing liligawan siya nito.
Paglilinaw ni Andrea, hindi pa siya ready na pumasok sa relasyon at pero open daw siya magpaligaw.
Noong February 20, 2025, unang beses na umugong ang usap-usapang may espesyal na relasyong namamagitan kina Andrea at Sam.
Ito'y matapos pag-usapan online ang isang video na kuha ng isang netizen kunsaan makikita si Andrea na may ka-date noong Valentine's Day.
At nitong March 6 lang ng makita ang dalawa na magka-holding hands habang naglalakad.
