Nakatakdang mag-deploy ang Department of Education (DepEd) ng higit 15,000 kwalipikading mga guro bilang mga principal ng mga schools.
Batay sa Year 2 report ng Second Congressional Commission on Education (EDCOM II), 55% ng mga pampublikong paaralan sa bansa ang nag-o-operate ng walang principal.
Bilang tugon, simula ngayong taon ay tiniyak na ng DepEd ang mga hakbang upang maresolba ang problema hinggil dito.
Una na umano rito ay ang pagde-deploy ng mga National Qualifying Examination for School Heads (NQESH) passers upang mapunan ang principal positions ng mga qualified personnel.
Ayon kay Education Secretary Sonny Angara, ang isyung ito ay isang 'eye-opener.'
Marami aniyang mga paaralan ang nag-o-operate nang walang utak - bagay na tungkulin ng mga pinuno ng institusyon.
Sa huli ay tiniyak nito na gumagawa na ang ahensya ng agarang aksyon upang matuhunan ang naturang problema.
