Kinilala ng Rimando Law Firm ang Philippine National Police (PNP) at Department of the Interior and Local Government (DILG) sa pagsasagawa nito ng patas, impartial, at komprehensibong imbestigasyon sa alegasyon laban sa kanilang kliyente na si John Mollenido kaugnay ang Mollenido double murder case.
Kung maaalala, sa press briefing sa Kampo Crame, sinabi ni Interior Secretary Jonvic Remulla na hindi pa rin tuluyang maaabsuwelto si John Mollenido.
Aniya, wala umanong 'remorse' ang dating mister nang tanungin hinggil sa pagkamatay ng kaniyang mag-ina.
Sabi ni Remulla, mula nang mamatay ang biktima, kaagad daw itong pina-cremate kasama ang suot na damit imbis na ipa-autopsy.
Sa inilabas na statement ng Rimando Law Office, nakasaad na ang mga ebidensya na nakalap sa imbestigasyon ay hindi nagsasabing may partisipasyon ng ama sa kaso.
Bigo rin daw ang mga records na magdulot ng 'well-founded belief' na nag-commit ito ng krimen, at hindi nagbibigay ng makatotohanan ar legal na basehan para idiin siya.
Sa huli, sinabi ng law firm na tinatamasa pa rin ng kaniyang kliyente ang constitutional presumption of innocence.
Tinitiyak din daw ang lahat ng karapatan nito sa ilalim batas para sa nararapat na legal proceedings laban sa mga nag-uugnay sa kanya sa kaso nang walang basehan.
Mababatid na isinailalim si John Mollenido sa "restrictive custody" ng NCRPO.
