Pinagpapaliwanag na ng Commission on Elections (COMELEC) ang kandidato sa Pasig na si Ian Sia matapos ang viral na biro nito.
Sa isa kasing campaign event sa Pasig, sinabi nitong ang ambag niya raw sa mga solo parent na nalulungkot, at nireregla pa ay sumiping sa kaniya.
Binigyan ng COMELEC si Sia ng tatlong araw para magpaliwanag kung bakit hindi ito dapat maharap sa election offense, 'o kaya'y ma-disqualify.
Sabi ng poll body, sa pamamagitan ng kanilang Task Force on Safeguarding Against Fear and Exlusion in Elections (TASK FORCE SAFE), ang ginawang solo parent joke ni Sia ay hindi magandang biro, at paglabag sa Anti-Discrimination and Fair Campaign Guidelines ng tanggapan.
Una nang pumalag ang ilang grupo sa ginawang biro ni Sia kung saan, maliban sa disqualification ay isinusulong din nilang ipa-disbar ito.
