Suspendido ang klase sa gabos na eskwelahan asin lebel sa Jovellar, Albay saaga sundo petsa 29 katakod kan selebrasyon nin town fiesta.
Basado ini sa ipinaluwas na Executive Order No. 16-2024 kan lokal na gobyerno, kun sain nakabugtak na dalan ini sa pag-omaw sa patron kan banwaan na si St. John the Baptist, asin dalan sa pagpartisipar kan mga residente nganing ma-preserve an kultura asin magkaigwa ki oras sa pag-iribahan o pagkasararo kan komunidad.
Ini man kaya an pinakaimportanteng mga aldaw sa nagpapadagos na 21st Quipia Festival sa banwaan, kun sain presenteng padagos an pigsasagibong aktibidad sa lugar siring kan concert, sports competition asin pageant.
Mientrastanto, sa intrevista kan Brigada News FM Legazpi kay Office of the Mayor Executive Director Joseph Advincula, obheto kan selebrasyon na mas mapauswag an banwaan sa paagi kan pagpromotir asin pagpapakusog kan turismo.
Sa ngunyan, pig-eengayar kan lokal na gobyerno an publiko na makisumaro asin makiugma sa kapiestahan na presenteng pigseselebrar sa saindang lugar.
