Naibalik na an suplay nin kuryente sa Sto. Domingo National High School makalihis an labi anom na bulan na pagkawara kaini huli sa nagputok na transformer kan bulan nin Disyembre.
Kan nakaaging semana, nag-abot an bagong transformer sa tabang kan Lokal na gobyerno. Makalihis an pagpapakarhay, tulos man na suminimbag an Albay Electric Cooperative, Inc. na masuplayan na ini nin kuryente.
Apwera sa LGU, pigrerekognisar man an dakulang tabang kan mga nagdonar, sponsors, mga paratukdo asin school staff na iyo an naghanap nin pondo.
Sa presente, lalaoman man na dae na masasakitan an mga paratukdo asin mga estudyante sa saindang klase urog na ngunyan na labi-labi na an init kan panahon.
Photo: Ronel Ebuenga
