LUCENA CITY - Sugatan ang isang lalaki matapos itong pagbabarilin dahil sa selos sa Barangay Mahabang Lalim, General Nakar, Quezon nitong Huwebes, Abril 3.
Ayon sa police report, pinagbabaril umano ng suspek na armado ng M16 rifle ang biktima matapos itong makita sa bahay ng isang nagngangalang "Perla" kasama ang kanyang live-in partner.
Nagtamo ng mga tama ng bala sa kaliwang hita ang biktima kung kaya isinugod ito ng mga kaanak sa hospital para malapatan ng lunas habang tumakas naman ang suspek matapos ang insidente.
Samantala, patuloy ang isinasagawang imbestigasyon ng mga awtoridad hinggil sa nasabing pamamaril.
