Patay ang isang lalaki matapos itong saksakin ng kanyang nakakatandang kapatid sa Sitio Cantisang, Brgy. Paril, sa lungsod ng Cebu.
Kinilala ang biktima na si Joeniffer Enfante Jopia, 45-anyos, habang ang suspect naman ay si Narceso Enfante Jopia, 50-anyos, pawang mga residente sa nabanggit na barangay.
Sa inisyal na imbestigasyon ng Talamban Police Station, napag-alaman na pasado alas-9 kagabi nang makatanggap sila ng report ukol sa stabling incident.
Sa panayam ng Brigada News FM Cebu sa salarin, inamin nito na may alitan na sila ng kanyang kapatid noon pa, dahil palagi umano siya nitong ginugulo sa tuwing ito ay makaka-inum at maraming beses na rin umano siya nitong sinubukang saktan.
Kagabi bago ang insidente, sinabihan pa umano niya ang biktima na lumabas na sa kanyang bahay at umuwi na, ngunit nagmatigas ito at nagkaroon sila ng mainit na pagtatalo at sa takot na ma-unahan, kinuha niya ang 12 inches na kutsiyo at sinaksak ito sa katawan ng kapatid na siya namang dahilan ng agarang pagkamatay nito.
Ang suspect ay kasalukuyang naka-detain sa Talamban police station detention cell habang hinhintay ang kasong isasampa laban sa kanya. (WITH REPORTS FROM AIRES ATUEL-DEPOSITARIO - 90.7 BNFM CEBU)
