LUCENA CITY - Arestado ang isang lalaki matapos nitong suntukin ang kapatid sa Barangay Lagalag, Tiaong, Quezon nitong Lunes, Oktubre 14.
Ayon sa police report, dumating umano ang lasing na suspek at humihiram ng motor sa biktima subalit tumanggi ito na nauwi sa pagtatalo.
Doon na sinuntok ng suspek ang kanyang kuya saka hinablot ito sa leeg na siya namang naawat ng isa pang kapatid ng mga ito.
Agad na humingi ng tulong ang pamilya sa mga awtoridad na nagresulta sa pagkakaaresto ng suspek.
Sa ngayon, nasa kustodiya na ng mga awtoridad ang suspek.
