Nakahanda ang Lawyers for Commuters Safety and Protection (LCSP) na suportahan ang bagong kautusan ng Land Transportation Franchising and Regulatory Board (LTFRB) na mahigpit na nagbabawal sa pagva-vlog o paggawa ng online content habang nagmamaneho ng sasakyan.
Sa ilalim ng LTFRB Memorandum Circular No. 2026-050, pinaalalahanan ang mga public utility vehicle (PUV) drivers na sumunod sa Anti-Distracted Driving Act (Republic Act No. 10913).
Binigyang-diin ni LCSP President Atty. Ariel Inton na ang pagva-vlog habang nasa manibela ay isang malinaw na uri ng distraction na nagdudulot ng matinding panganib sa mga pasahero, driver, at iba pang motorista sa kalsada.
Nilinaw naman ng LTFRB na hindi ipinagbabawal ang vlogging sa pangkalahatan, kundi ang paggawa lamang nito habang umaandar ang sasakyan.
