Sarong outreach program an inilunsar kan LGBT Camaligueños Organization para sa mga bakwit kan Bulkang Mayon na mga residente kan Barangay Anoling kan nakalihis na semana. Ini su boot parte kan selebrasyon kan Pride Month sa presenteng bulan.
Kaibahan sa mga aktibidad na saindang sinagibo iyo an feeding program, patiribayan, mga pakawat, Most Organized Room contest asin dakol pang iba. Nag-opresir man an mga ini nin libreng serbisyo arog kan libreng upaw, manicure, pedicure asin masahe, mantang nanao man an organisasyon nin mga balunan asin laganan nin mga inumon para sa mga aki.
Huli kaini, pinasalamatan kan lokal na gobyerno an grupo sa pagtatao nin siring na mga serbisyo, kaogmahan asin pagmamakulog sa mga Camaligueño orog na sa mga naapektaran kan presenteng sitwasyon kan bulkan.
Photo: Caloy Baldo
