Nakaranas ng hailstorm o pag-ulan ang ilang residente ng Barangay Dulag, Lingayen, Pangasinan
Tumagal ng ilang minuto ang pagbagsak ng maliliit na yelo na kasinglaki umano ng butil ng mais, base sa kuha ng isang netizen.
Wala namang iniulat na nasugatan o napinsalang ari-arian.
Ayon kay Jose Estrada Jr., chief meteorologist ng PAGASA-Dagupan Station, hindi ito dapat ikabahala. Paliwanag niya, natural na nangyayari ang hailstorm kapag may kasabay na thunderstorm at mataas ang temperatura sa kapaligiran.
Babala pa ng PAGASA, maaaring maulit ang hailstorm sa mga susunod na araw, lalo na’t patuloy ang mainit na panahon sa Pangasinan.
