Musikang Pilipino sa Singapore!
Magtatanghal ang Filipino band na Lola Amour sa 2026 Singapore Grand Prix sa nalalapit na Oktubre.
Mangyayari ang event sa October 9 hanggang 11.
Makakasama nila ang iba pang malalaking pangalan sa larangan ng musika gaya nina Janet Jackson, Zara Larsson, James Arthur, at Goo Goo Dolls at marami pang iba.
Nakatakda silang mag-perform sa October 11 sa DBS Foundation Outdoor Theater sa Esplanade (Zone 4).
Sa isang pahayag, sinabi ng bassist ng grupo na si Manu Dumayas na isang napakalaking karangalan na makapagtanghal sa Singapore Grand Prix.
Bagaman proud umano ang kanilang grupo na muling makatungtong sa international stage, ang mas malaking kwneto dito ay kung paano patuloy na nakikilala ang OPM sa buong mundo.
Mababatid na ang Lola Amour ang siyang nagpasikat ng mga awiting "Fallen," "Maybe Maybe," "Umiinit," at "Namimiss Ko Na."
