Maglalagay ang Light Rail Transit Authority (LRTA) ng mga passenger cooling room sa lahat ng istasyon ng LRT-2 simula sa May 4, 2026, bilang tugon sa mapanganib na antas ng heat index sa bansa.
Bukas ang pasilidad mula 9:00 a.m. hanggang 4:00 p.m. para sa mga valid ticket holders na nakararanas ng heat exhaustion, kung saan bibigyang-priyoridad ang mga senior citizen, PWDs, at mga buntis.
Paalala ng LRTA, limitado lamang sa 30 minuto hanggang isang oras ang pananatili rito upang bigyang-daan ang ibang nangangailangan, habang ang mga seryosong kaso ay pinapayuhang dumiretso sa klinika ng istasyon.
