Nag-isyu na ng show cause order (SCO) ang Land Transportation Franchising and Regulatory Board (LTFRB) laban sa 34 mga public utility vehicle (PUVs) operators na hindi nagserbisyo sa mga pasahero, at sa halip ay namataan sa rally sites sa Quezon City.
Kabilang sa mga ito ang mga units ng bus at UV Express.
Ayon sa LTFRB, bagaman iginagalang nito ang karapatan ng bawat tao na sumama sa kilos-protesta upang ilahad ang kanilang mga hinaing, may mga factors na dapat ikonsidera lalo na para sa interes ng publiko.
Sa kasong ito umano ng mga operators, may mga apektadong commuters na umaasa sa kanilang mga serbisyo.
Nakasaad sa SCO na ang desisyon ng mga operators na hindi mag-operate ay nakaapekto sa pampublikong transportasyon, bagay na paglabag umano Paragraph 3 of Memorandum Circular No. 2011-004.
