NAGA CITY - Hinati sa dalawang kategorya ang mga maglalaban-laban sa Voyadores Festival bukas ng hapon sa Naga City; lima sa Elementary, anim naman sa High School.
Ayon kay City Councilor, Joe Perez, at Chairman ng Peñafrancia Voyadores Festival, napagkasunduan ang bagong sistema upang magkaroon ng pagkakataon na manalo ang mga nasa Elementary lalo na't nadedehado sa laban, isabay pa ang muling paglaban ng dating kampeon ang Camarines Sur National High School, na mas inaasahan ang mas mataas na pamantayan ng laban. Nagbigay ng P100,000.00 bilang seed money para grupong kalahok.
May mga rules at regulations na dapat sundin ng mga kalahok, bawal ang mga pyramiding, pailaw-ilaw o pagbuga ng apoy, dapat mga symbolic, religious at iba pa. Parehong P165,000.00 ang prempyong ibibigay sa dalawang kampeon, P115,000.00 naman sa first place, na hindi naman uuwing luhaan ang hindi makakapasok hanggang sa third place.
Dagdag pa ng opisyal, napag-usapan din ang ilang beses nang pagkapanalo ng kasalukuyang kampeon na dapat umano huwag nang isali kaya lamang dahil sa layunin din na itaas ang lebel ng kompitisyon minabuting kasali muna sila lalo na’t wala pang amendment of rules kung ilang beses lamang dapat o ang whole of fame na tinatawag.
