Trahedya ang sinapit ng isang tindero ng mais sa Pasay City matapos siyang tamaan ng gulong ng trailer truck sa kahabaan ng EDSA-Tramo, kahapon, Oktubre 12, 2025.
Kinilala ang biktima na si alyas na “Escote,” 54-anyos, na residente ng M. Dela Cruz, Pasay.
Dead-on-arrival siya sa ospital matapos magtamo ng matinding pinsala sa ulo at katawan.
Ayon sa imbestigasyon, tinatahak ng trak ang southbound lane ng EDSA nang aksidenteng matanggal ang isa sa mga unahang gulong nito.
Tumilapon ang gulong at tumama sa vendor na noo'y nagtutulak ng kariton ng mais sa gilid ng kalsada.
Nasagi rin ng gulong ang hulihan ng isang mobile patrol car ng pulisya na nakaparada sa lugar.
Hawak na ng Pasay City Police ang driver ng trak na si alyas "Ronnie", 48-nayos, na posibleng maharap sa kasong reckless imprudence resulting in homicide and damage to property.
