Mariing itinanggi ng Malacañang na may krisis sa edukasyon sa bansa matapos mag-viral ang isang contestant sa isang TV show na hindi umano alam ang tungkol sa Commission on Elections.
Ayon kay Palace Press Officer USec. Claire Castro, hindi nababahala si Pangulong Ferdinand Marcos Jr. sa isyu dahil patuloy naman ang pagsisikap ng pamahalaan upang mapaunlad ang kalidad ng edukasyon sa Pilipinas.
Giit pa ni Castro, hindi dapat ituring na salamin ng kabuuang sistema ng edukasyon ang kawalan ng kaalaman ng isang indibidwal.
May responsibilidad din aniya ang mga mag-aaral na maging proactive pagdating sa kanilang kapaligiran.
Naniniwala rin si Castro na kung may pagkukulang sa edukasyon, may paraan naman upang matuto nang kusa gamit ang internet at iba pang mapagkukunan ng impormasyon.
